Fe sefydlwyd “Maeth” rai blynyddoedd yn ôl gan nifer o Gristnogion sy’n byw ac yn gweithio yn y maes amaethyddol. Dwy nôd eglur sydd gennym- i roi cyfle i Gristnogion sy’n gysylltiedig a’g amaethyddiaeth i ddod ynghŷd i fwynhau gweinidogaeth Gair Duw a chymdeithas cyd-gristnogion. Mae’n hysbys fod y byd amaethyddol yn gallu bod yn faes arbennig o unig ac mae hynny’n dwyn ei heriau ei hun, yn feddyliol ac yn ysbrydol. Rydym hefyd yn awyddus i gael cyfle i rannu’r Efengyl hefo’n cyd-amaethwyr. Fel hefo pob cylch arall o fywyd, erbyn hyn, yng Nghymru, mae yna anwybodaeth sylfaenol am gynnwys yr Ysgrythur a diffyg dealltwriaeth o’r Efengyl. Felly, y bwriad ydi creu cyfle i wahodd cyd- amaethwyr ac eraill sy’n gweithio yn y diwydiant i ddod i glyw yr Efengyl er mwyn cael cyfle i drafod y Ffydd ac ennill pobol i’r Deyrnas.